NBA ka filluar sezonin e ri tash e dy ditë, gjatë natës së mbrëmshme ka pasur mjaft duele të forta dhe interesante.

Vlen të theksohen fitoret e Dallas Mavericks, Miami Heat e Clevland Cavaliers dhe Boston Celtics në ndeshjet më kryesore të natës, shkruan Arbresh.info.

Dallasi në krye me sllovenin Luka Doncic ka arritur të fitojë duelin e parë të sezonit ndaj San Antonio Suprs në udhëtim me rezultat 126-119.

Vlen të theksohet se ylli i Dallasit dhe Sllovenisë, Luka Doncic pati performancë të jashtëzakonshme duke arritur shifra magjike triple-double, prej 33 pikë, 13 kërcime dhe 10 asistime.

Nënkampioni në fuqi Miami Heat ka arritur të shënoj fitore të ngushtë 103-102, ndaj Detroit Pistons.

Dy lojtarët kryesorë në suksesin e parë të Miamit kanë qenë Bam Adebayo me 22 pikë e 8 kërcime që shtoi dhe 3 asiste dhe padyshim Jimmy Butler luajti me double-double prej 19 pikëve dhe 13 kërcimesh.

Edhe Clevland Cavaliers arritën fitore të ngushtë ndaj Brooklyn Nets me rezultat 114-113.

Kurse skuadra e Boston Celtics ka arritur të fitojë në New York, me rezultat 108-104.

Tandemi Tatum-Porzingis shkëlqyen ndaj ekipit të New York Knicks, ku i pari realizoi 34 pikë, 11 kërcime dhe bëri katër asistime, ndërsa Porzinigis luajti me 30 pikë e 8 kërcime.

Ndërsa këto janë të gjitha rezultatet e 12 ndeshjeve të mbrëmshme:

 

View this post on Instagram

 

A post shared by NBA (@nba)

/Arbresh.info/